Kamis, 29 Agustus 2013

KHUTBAH IDUL ADHA BAHASA BUGIS 2

Sining umma selleng malebbi...
Sukkuruki mappuji lao risese arajanna Puang Allah SWT, nasaba naweretta muwannessi umuru malampe, nenniya tubuh majjappa kuwaetopa apangingringen topada engkasi hadere rilalenna iyae onrong malebbie, pada akkatta maelo pasilennerengi sempajang alleppereng karobae. Nasaba engka siaga egana silessuretta malebbitta, maelo ladde kasi hadere ri onrong malebbie iyae essoe naiya kiya de’ nariwereng ri Puang Allah SWT umuru malampe pura maddioloi ri olli ri Puang Allah Ta’alah mangolo risese arajanna. Makkutoparo engka kasi riwereng umuru malampe desi nariwereng ri Puang Allah Ta’alah tubuh ajjappa, nasaba engkai ri wereng seddi pakkasiwiang ri Puang Allah Ta’alah iyanaritu lasa , makkutoparo engka kasi riwereng umuru malampe, tubuh ajjappa naiekiya desi nariwereng apanginringeng ri Puang Allah Ta’alah.
Namakkuwanna naro napasengngi Nabitta Muhammad SAW makkedae; pakkegunai lima sewwa-sewwa ri wettu de napa napoleiki limae sewwa-sewwa :
1.      Tuwomu riwettu de’napa napole amatenmu
2.      Ajjappa-jappammu riolo temmalasamu.
3.      Asagenanmu riolo temmacipi’mu.
4.      Alolongemmu riolo temmatemu.
5.      Asogiremmu riolo tekkasi-asimmu.
Ma’asyiral Muslimin Wal ...
Karena perjalanan waktu yang amat singkat deppa nasiaga ettana laissi wettue makkutoparo keadaange samanna engka mupoi ritu tabbajo wajo riolota, sengereng neniya sumange’na Puasa ramalange nenniya hikmana alleppereng pittarae natopada engkasi parimeng rilalenna iyae onronge maddeppungen sipulung, sipakario rennu, sipammase-mase, samannai sedding terri marenni atitta engkata maringerrang parimeng rilalenna , engkaki maddeppungeng rilalenna iyae onronge 2 puleng 10 essona pura labe’e, riwettunna ripasilennereng alleppereng pittarae.
Allahu Akbar 3x   Walillahil Hamd.
Kaum Muslimin & Muslimat...
Rilalenna iyae essoe dua tellu kejadian maraja ri lalenna lino, iya mancasjie tanra alebbirenne nenniya arajanna agama sellenge.
Mula-mual kejadian maraja nyanaritu maddatu sebbu orowane neniya makkunrai pada maddeppungeng ri padang arafah, mallai-laingeng maneng apolengenna, maddupa rupang bahasana, makkutoparo tonangenna, engka mola tasi, engka mola puttanang, engka manengi makkukue ri padang arafah, dengan pengorbanan yang besar napakkuwa teppe’na ri puang Allah Ta’alah pada pakei pakiang ihramna, pakeang mapute tenrijai, temmabbaju, temmasongko, samannairo silalona ri patokkong pole ri kubburu’na  nari paddeppungen ri padang masyhar, napada napuada makkeda :



Naiya tau pasilennerengi pakkaswiyang hajjie engkanitu ritu passukkue asellengenna, nasalai wija-wijanna, nasalai keluargana enrenge tanah ancajingenna, de’ nakkeda warang parang maega relai kuritu korbangkangi, nasaba napahang madecenna makkeda maserro lebbi, narimakkuwannaro maladdei napparentang Puang Allah Ta’alah risese engkau tau paulle, baik paulle warang parang kuwaetopa paulle watakkale, pada toha narampewe puang Allah Ta’alah ri Akorang malebbi’na :


Bettuwanna :
Pura napparelluwangi Puang Allah Ta’alah masse ri rupa taue untuk pasilennerengi pakkasiwiyang hajjie riu baitullah masse ri tau paullewe.

Hadirin Jama’ah id yang berbahagia.
Upepaha nenniya alabappaha tau engkae pasilennerengi pakkasiwiyang hajjie, nakarana Puang Allah Ta’alah nenniya teppe simata gangkanna nalulu maneng sininna rintangan nasaba napahang madecengi makkedae majeppu tau pasilennerengi pakkasiwiyang hajjie mapaccinge pole ri dosae pada toha ana mula jajie ri paremmananna indo’na padatoha ri makkedanna nabitta Muhammad SAW :


Bettuwanna :
Nigi-nigi  tau menre hajji, nadetto nakkada ada marota, nenniya detto napapole gau maja majeppu massu’ni  pole ri dosana pada toha apaccingena wettu ri jajianna ri indo’na.

Makkedatopi Nabitta Muhammad SAW :




Allahu Akbar 3x   Walillahil Hamd.
Kaum Muslimin & Muslimat...
Maduwanna kajajiang maraja rilalenna iyae essoe, yanaritu maddatu sebbu selleng orowane nenniya selleng makkunrai, ri segae egana wanua/negara pada lao maneng ri tanah lapange yarega ri masijie, pada lao maneng pasilennereng sempajang alleppereng karobae, rigau engkana paegaiwi appoji-pojinna, nenniya takabberena lao ri Puang Allah Ta’alah iya mancajie tanra asseddi-seddinna umma sellenge, pada engka mala jiji takkiyatoro nenniya pannessai aseddi-seddinna, makkutoparo sinrupa-rupa padamui engkana tau kasi-asi, tettong ri seddena tau sogie, tettong ri seddena tau mapparentae, de’gaga ri assilaingenna ritu risesena Puang Allah Ta’alah, roko pada roko, suju pada suju, tudang pada tudang, rigau engkana mappassewa lao ri araja sewwanna Puang Allah Ta’alah. Jaji de’ nasitinaja idi umma sellenge maelo situna-tunai, sipeddiri ati, si pandng enteng nasaba appongetta seddimi bawang, naseng nabitta Muhammad SAW :




Bettuwanna :
Naiya rupa taue pole manengi ri Nabi Adam, naiya nabi Adam polei ri tanae, de’ alebbireng nappunnai bangsa arae nenniya ajange, nenniya makkuli mapute ri malotonge, majeppu kaminang malebbi’e ri ikotu mennang ri sesena Puang Allah Ta’alah yanaritu kaminang maraja taue.

Allahu Akbar 3x   Walillahil Hamd
Metellunna kejadian maraja iyae essoe yanaritu pada engkakisi pada pakabarui paringeratta lao ri sejarana Nabiyullah Ibrahim, nasaba ri ujinna ri Puang Allah Ta’alah ri wettu ri surona gere’i ana’na riasenge Ismail, menurut sejarah mappulo taunni ittana pangulutta Ibrahim purana nakawingi bainena riyasenge Sitti Sarah nade’gaga ana’na, gangkanna masara ininnawani pikkirikiwi makkedae narekko mateka matti, igana patterrui perjuangakku, nappa risuroni Nabi Ibrahim ri baenena St. Sarah sarekkuwammengi napubainei ri yasenge St. Hajar, nasimata mellau dowanna ri puang Allah Ta’alah makkedae :

Aga ripakkedallerina ana Nabi Ibrahim ana’ iya napuminasae ri yasenge Ismail, natemmaka riona ritu, nasaba Ismail saisai ana’ matturu ri parentae, ana’ maringkalinga ada, ana’ iyya mancajie cayyana matanna, buana atinna, intang mabborong-poronna  rahasiyana, pede’ lao essoe pede’ battowa toi ritu Ismail, pede’ makessing toi ampe kedona  lao riduae topajajianna, saisai kuritu ana’ seddi-seddi, ana’ ri ellau ellau esso wenni.
Iyanae essoe nari uji teppe’na Nabi Ibrahim ri Puang Allah Ta’alah , naiya Nabi Ibrahim saesai tau  malamung teppe’na  nenniya tau maraja tau lao ri Puang Allah Ta’alah, agi-agi riparentaiyangi ri Puang Allah Ta’alah engkae kuritu pugaui dengan niat dan hati yang ikhlas, de nakkeda warang-parang maega, warang-parang malebbi narekko parentana Puang Allah ta’alah  engkai kuritu korbangkangi, nasaba pappoji ri Puange, engka sewwa wettu nakkaroba 1000 kajunna bembe, nenniya 400 kajunna unta, iyaro wettue takkajenne maneng rupa taue mitai nenniya  pikkiriki appalanna ritu Nabi Ibrahim AS. Aga naturunna malaekae lao ri Ibrahim untuk pakarioi nenniya pakarennui makkedae mulolongenni kuritu appalang maegae pole ri Puang Allah Ta’alah nenniya saesano kuritu  tau ripujinna yarega to makkeda “ Halilullah”  nasaba engkamu turusi sininna anu napparentange, aga nappibalina Nabi Ibrahim makkedae, maringkalingai Puang Allah Ta’alah nabenneng engkai napekkidallerianga ana’ nainappa nasuroka makkarobangi engkatoi kuritu ulaksanakan.
Allahu Akbar 3x   Walillahil Hamd.
Sidang jama’ah ied yang sama berbahagia
Situasi maengkaengi Nabi Ibrahm situju-tuju perri’na nenniya sussana, menurut sejarah riwettu sukku’na  pappojinna Nabi Ibrahim lao ri ana’na Ismail, aga naipannippina Nabi Ibrahim ri lalelng tinrona pole ri Puang Allah Ta’alah makkedae. E... Ibrahim paddupai tinnja’mu romai ri olo, riwettu pasedinna Nabi Ibrahim massuro gere’i 1000 kajunna bembe, riwenne maduwanna, naitasi ri laleng tinronna makkedae, E... ibrahim, paddupai tinja’mu romai riolo, riwettuna paseddiing mappikkiri nawai-nawai tinrona ri wennnie, aga nasuro gere’na paimeng 100 kajunna unta, nappa makkeda E... Puang pura upaddupani tinjakku. Ri wenni makatellunna ripannippisi makkedae E... Ismail majeppu riapparentakko ri Puange gerei ana’mu riasenge Ismail; riwettu maelo’na paddupai tinja’na Nabi Ibrahim makkere-kere perru’na nasaba engkai kuritu ri parentang gere’i ana’ madecenna. Aga naollini  kurittu ana’na Ismail nappa nabirittaiyangi parentana Puang Allah Ta’alah iya engkae naita ri laleng tinrona pada toha narampe rilalengna akorang malebbie.


Bettuwann :
E... ana’ku majeppu uwitaki rilalenna tinroku majeppu ugerekki ana jaji aga tangngatta makkukkue.

Iyanaro Ismail ana makanja ampe kedona de’ namalampe naa-nawa pada idi makkukkue nappa nabali ambo’na makkedae.




Bettuwanna :
E... ambokku tapaddupa laloi anu napparentaiyangekki Puang Allah Ta’lah mattipi talolongekka saesa tau sabbara’na sabbarae.

 Allahu Akbar 3x   Walillahil Hamd.
Sidang jama’ah ied yang sama berbahagia
Naiya ri wettu maelo’na Ibrahim tiwi’i ana’na ri onrong aggerekenge, napodanni bainena St. Hajar sarekkowammengi napappakei ana’na, nasaba pakeang kaminang makessinge, nainappani mala piso sibawa tulu. Naiya riwettu lettu’na ri aggerekenge ri Mina poleni iblis elo pakatulu-tului makkedae pekkugitu mumaelo gere’i ana’mu, ana’ temmaka kanja ampe-ampena, nenniya maringkalinga ada’ namaraja atturu. Makkedai Ibrahim temmakaro upujinna  anakku, naiyakiya napparentaiyakka puakku gere’i, naulebbirengi paddioloi pappojikku ri Puakku, napappojikku ri anakku- aga narempe muniha kuritu setange sibawa batu.
Nasaba de’ naberhasil setange godai Ibrahim setange godai Ibrahim aga sappasi usaha untuk godai St.Hajar nauragai kuritu makkedae, tunruki garo mitai anatta maelo ri gere ri ambo’na, na saisai ana maitta ri ammenasai, darah daginmu siagae ettana mupiara, magi muita-itai bawang maelo ri gere ri ambo’na.
Nasaba saisai kuritu St. Hajar makkunrai maladde teppe’n a lao ri Puang Allah Ta’alah, nasuro muni setange maddesu’ sibawa paddempe. Aga nalaosi ri  Nabi Ismail pakkawase-wasei makkedae turuki gaharo maelo ri gere, tasalaiwi assennang-sennangnge, nenniya anyame-nyamenge ri lino, nasaba tau maraja atturu, tappa narempe muniha kuritu setange, yatonaro sab’na tungke-tungke pammekkae papoleangi pakkasiwiyang  hajjie engkae kuritu pugaui ritellae melempar jumrah.
Sidang jama’ah ied yang sama berbahagia
Riwettu maelo’na nabi Ibrahim nenniya Nabi Ismail paddupai parentana Puang Allah Ta’alah dengan ikhlas semata-mata, engkai kuritu ismail papole ada-ada  wasiat makkedae.
E... ambo
1. Tapa asseki laloi passiokku na aja ukedo-kedo.
2. Tapatarengi pisota, magattikka naare.
3. Tapalisui wajukku lao ri Indokku naalai passussu wae mata , nenniya tapasabbarai.
4. Narekko puraka tagere tasapui darah ellonna wajukku bare mancaji tanrai makkedae pura tongenna ri gere.
5.  Aja lalo tapattama ana orowane ri bolae, aja nalisu paringeranna indokku ri iya.
Allahu Akbar 3x   Walillahil Hamd.
Aga napatoppo’ni pisona Nabi Ibrahim ri ellonna ana’na, naperrengi gere’i, na makkedai  Ismail, E... ambo aja kasi taitaka nassabari ammani namesse babuata mitaka, aga nakkapeddenna Ibrahim, nanasitta’ni pisona ri ellonna ana’na Ismail nade’ naelo naanre, aga tappa nabbettangi pisona ku batue namatterru mapue dua batue napakkua tarenna pisona. Makkedai Ibrahim E... piso magi mumakunru ri ellonna anakku Ismail namulle puei batue, mappibaliwi pisoe nasaba araja kuasanna Puang Allah Ta’alah. Makkedae  E... ibrahim majeppu muparentaka manrei ellonna ismail, naiya kiya napisangkakka puakku manrei ellonna Ismail.
Sining umma selleng malebbi...
Memeng ricobami teppe’na Nabi Ibrahim makkedae tegaro nalebbireng ana’na naparentana Puang Allah Ta’alah, naiya kiya Nabi Ibrahim engkai kuritu nalebbireng puang Allah Ta’alah na pappojinna ri ana’na nenniya warang paranna. Aga naripaselleina kuritu ri malaikae nasaba seddi olo kolo riasenge KIBAS, turu pekkugi nasenge Muhammad iyanaritu tau mappettu pole ri decenge.
Jaji narimakkuwannaro , nasaba engkatta ri sunnakeng papolei akkarobangnge, narekko engka maka ri seseta, parellui ri perhatikan sibawa madeceng, nasaba iyaro akkarobange masero deceng pamale’na ri Puang Allah Ta’alah. Makkedai Nabitta muhammad SAW :


Bettuanna
Naiya pamale’na akkarobange ri werengi appalang ri Puang Allah Ta’alah tungke-tungke bulunna seddi appalang.

Olehnya itu seddi pakkutana kennaki idi’ makkukkue, makkedae engkamuga iya taunge ri lalenna kampotta makkaroba yarega nade’, narekko deppa gaga parelluki upitang laleng iya weddinge pada taola yanaritu makkumpulu tappitu tau. Naiya tosi sebalikna narekko engkaki paulle ri seseta nade’ ri ulle papolei karobae, engkaki saisa tau ri agellinna Nabi Muhammad SAW.
Allahu Akbar 3x   Walillahil Hamd.
Kaum muslimin & muslimat ...
Engka 7 rupanna lasa beredar ku masyarakatta, rilalenna taseddie kampong, mudah-mudahan de’ma nattamai kampotta nasaba iyaro lasae, lasa kaminang berbahaya de’ naullei dottoroe puraiwi kecuali nasaba pappangaja agama, bahkan weddingi na ancuru watakkaleta, oncopasiha weddingi mappamate :
1.      Prasangka ;  maja’ kira-kira. Contoh: menuduh istri/suami berbuat serong.
2.      Mengintip-intip; nasappai atassalanna tasseddie rupa tau/ celah, de’ naissengi padecengi, yarega to makkeda napijakimi asenna siajinna.
3.      Mengutik-utik rahasia ; tunghke-tungke tau engka maneng rasahasiana, ia parellu ri subbu aja naissengi tau lainge. Contoh; maega tau pake’ radar/antena dauccilinna maringkalinga, massappa rahasia, pada-padanna idi makkunraiye mupuji ladde’ sibukkareng rahasia.
1.      Ku addengenge / bola-bolae
2.      Ku tembo-temboe
3.      Ku bujunge
4.    Bersaing-saingan:  pada-padanna naitai balibolana melli VCD, napassatoi lakkainna melliyangi, naitai balibolana melli antena UHF napassai lakkainna melliattoi UHF, kalamanna kainreng-inreng.
5.    Iri Hati ;  (Hasad); dengki
6.    Benci-membenci; contoh; permusuhan antar golongan
7.    Belakang-membelakangi : tau di bombe-bombe.


0 komentar:

Poskan Komentar